QR Densaýlyq saqtaý ministri Ajar Ǵiniiat Ýkrainadan ákelinýi tiis dárilerdiń ornyn qashan toltyratyndaryn aitty, dep habarlaidy QazAqparat.
«Ýkrainalyq dári jetkizýshilerdiń ornyna kimniń keletinin konkýrs, tender kórsetedi. Maýsym aiyna deiin ol málim bolady», - dedi Ajar Ǵiniiat Májilis kýlýarynda.
Sondai-aq, ol buǵan deiin Qazaqstan Ýkrainadan qandai dári-dármek alyp kelgenin aitty.
«10 túrli dárini emhanalarǵa satyp alamyz. Qalǵanynyń bári statsionarlarǵa arnalǵan. Qazir ol dárilerdi uqsas dárilermen almastyrý máselesin qarap jatyrmyz. Olar keibir dárilerdiń 40-70 paiyzyn jetkizip úlgergen edi. Sondyqtan, maýsym aiyna deiin dári bolady. Eki aidyń ishinde qajetti dárini basqalardan satyp alamyz», - dedi ministr.
