Foto: egemen.kz
Senat tóraǵasy Máýlen Áshimbaev vitse-prezident Quryltai jasaqtalǵannan keiin sailanatynyn aitty, dep habarlaidy Ult.kz.
Qazaqstannyń vitse-prezidenti qyzmetine kimniń taǵaiyndalatynyna qatysty Senat tóraǵasy bul prezidenttiń quzyretindegi másele, ázirge belgisiz ekenin aityp otyr.
“Bul jalpyhalyqtyq referendýmda qabyldanǵan Konstitýtsiiamen retteledi. Qandai sheshim qabyldaitynyn memleket basshysynyń ózi aiqyndaidy, bul onyń quzyretindegi másele. Quryltaidyń quramy jasaqtalǵanan soń prezident tiisti sheshim qabyldaidy”, – dedi Máýlen Áshimbaev.
Eske salsaq, Ulttyq quryltai otyrysynda Prezident Qasym-Jomart Toqaev memlekettik basqarý júiesin jetildirý máselesin kóterip, Erlan Qarin atqaryp otyrǵan Memlekettik keńesshi laýazymyn qysqartý jáne onyń ornyna vitse-prezident institýtyn engizý múmkindigin usynǵan edi. Memleket basshysy bul bastamany bilik tarmaqtary arasyndaǵy úilesimdilikti arttyrý jáne basqarý tiimdiligin kúsheitý qajettiligimen bailanystyrdy.
Osyǵan bailanysty qoǵamda túrli pikirler aitylyp, jańa laýazymǵa kim taǵaiyndalýy múmkin degen talqylaýlar da paida boldy.
