Parlament Senatynyń Tóraǵasy Máýlen Áshimbaev satyp alýlardyń qoldanystaǵy júiesin jetildirý máselesin kóterdi, dep habarlaidy "Ult aqparat".
«Satyp alýlardyń qoldanystaǵy júiesin jetildirý qajettiligi bar. Ulttyq kompaniialardyń satyp alýlary kásipkerler úshin qol jetimdigi tómen. Memleket basshysynyń tapsyrmasy boiynsha Úkimet jyl sońyna deiin kvazimemsektordyń barsha satyp alýlaryn retteitin ashyq tártipke negizdelgen zań jobasyn ázirleýi tiis», - dedi M. Áshimbaev Qazaqstanda shaǵyn jáne orta kásipkerlikti damytý salasyndaǵy memlekettik saiasatty jáne quqyqtyq retteýdi jetildirý taqyrybyndaǵy Parlamenttik tyńdaýda.
Osy oraida bul sharalar satyp alýlardyń biryńǵai terezesi arqyly júzege asyrý qajettigi aityldy.
«Shaǵyn jáne orta biznesti damytý – elimizdegi kóptegen azamattardyń ómir súrý sapasyn jaqsartýǵa tikelei qatysy bar másele. Sol sebepti, bul salaǵa qoldaý kórsetý asa mańyzdy», - dedi Senat Tóraǵasy.
