Memleket basshysynyń jarlyǵymen Máýlen Áshimbaev Qazaqstan Respýblikasy Prezidentiniń kómekshisi qyzmetine taǵaiyndaldy, dep habarlaidy Ult aqparat Aqordanyń resmi saityna silteme jasap.
Máýlen Áshimbaev 1971 jyly 28 qańtarda Almatyda dúniege kelgen.
Ál-Farabi atyndaǵy Qazaq Memlekettik Ulttyq ýniversitetin bitirgen. Saiasi ǵylymdar kandidaty.
Ýniversitetti bitirgen soń 1993-1994 jyldary Baspasóz jáne buqaralyq aqparat ministrliginde jumys istedi. 1994-1995 jyldary - Qazaqstan Respýblikasy Joǵarǵy Keńes depýtatynyń kómekshisi. 1995 jylǵy maýsym - qarasha aralyǵynda - Qaýipsizdik keńesi apparatynyń konsýltanty. 1995-1999 jyldar aralyǵynda Qazaqstan Respýblikasy Prezidenti Ákimshiligi Saraptaý jáne strategiialyq zertteýler ortalyǵynyń bas sarapshysy, sektor meńgerýshisi, osy ortalyq jetekshisiniń birinshi orynbasary. 1999-2000 jyldary - Qaýipsizdik keńesi Saraptaý ortalyǵynyń meńgerýshisi. 2000-2002 jyldary - Qaýipsizdik keńesi Saraptaý ortalyǵynyń meńgerýshisi - Qazaqstan Respýblikasy Prezidenti janyndaǵy Strategiialyq zertteýler institýtynyń direktory. 2002-2005 jyldary - Qazaqstan Respýblikasy Prezidenti janyndaǵy Strategiialyq zertteýler institýtynyń direktory. 2005-2006 jyldary - Qazaqstan Respýblikasy Qaýipsizdik keńesi hatshysynyń orynbasary. Qazaqstan Respýblikasy Prezidenti Ákimshiligi Basshysynyń orynbasary (2006-2011); V sailanǵan Qazaqstan Respýblikasy Parlamenti Májilisiniń depýtaty (2012-2016); VI sailanǵan Qazaqstan Respýblikasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komitetiniń tóraǵasy (2016-2018).
2018 jyldyń aqpanynan beri «Nur Otan» partiiasy tóraǵasynyń birinshi orynbasary qyzmetin atqaryp keldi. «Qurmet» ordenimen (12.2007); «10 jyl Astana» medalimen (2008); Qazaqstan Respýblikasynyń Qurmet gramotasymen (2001) marapattalǵan.
