Máslihattyń kelesi sailaýy partiialyq tizim boiynsha ótedi. Bul týraly «Nur Otan» partiiasy Saiasi keńesiniń keńeitilgen otyrysynda Elbasy Nursultan Nazarbaev aitty, dep habarlaidy "Ult aqparat".
«2018 jyly sailaý zańnamasyn jetildirdik. Máslihattardyń kelesi sailaýy alǵash ret partiialyq tizim boiynsha ótkizileiin dep otyr. Máslihattyń kelesi sailaýy Májilistegidei partiialyq tizimmen ótedi. Jekelegen opponentterdiń nemese blogerlerdiń merziminen buryn Parlament sailaýynda majoritarlyq júiesine oralýdy jáne taǵy basqalardy usynyp jatqanyn estip otyrmyz. Búgin mundai sóz sóileýshilerge jaýap berý qajet», - dedi Elbasy.
Qazaqstan Tuńǵysh Prezidenti sailaýdyń majoritarlyq júiesine kóshýdi qoldap júrgenderdiń naqty usynystary joq ekendigin basa aitty.
«Bul jerde negizdi argýmentteri joq, ádettegidei tek qana áńgime ǵana. Bilikti synap sóilegenderi bos sóz ǵana. Tym bolmasa bireýi qalai isteý kerektigin usynyp, qalai jasaý kerektigin kórsetse ǵoi. Demokratiianyń shamshyraǵy dep júrgen Eýropadaǵy 30 damyǵan eldiń qataryna kiretin memleketterdiń 63 paiyzy sailaýdy proportsionaldy júiemen ótkizedi», - dedi Nursultan Nazarbaev.
Elbasynyń aitýynsha, majoritarlyq júiedegi sailaý negizinen Aziia elderine tán bolyp keledi.
«Iaǵni, proportsionaldy júie úzdik álemdik demokratiialyq tájiribege tolyq sai keledi. Saiasi júieni nyǵaitýǵa, demokratiiany damytýǵa septigin tigizip, tolyqtai alǵanda saiasi partiianyń qyzmetin jandandyrady», - dedi elimizdiń Tuńǵysh Prezidenti.
