3 qyrkúiek kúni B.Imashevtiń tóraǵalyǵymen Qazaqstan Respýblikasy Ortalyq sailaý komissiiasynyń otyrysy ótti.
Ortsailaýkom músheleri máslihattardyń shyǵyp qalǵan depýtattarynyń ornyna aldaǵy sailaý jónindegi máseleni qarastyrdy.
«Qazaqstan Respýblikasyndaǵy sailaý týraly» Konstitýtsiialyq zańnyń 101 jáne 113-baptaryna sáikes shyǵyp qalǵan máslihattar depýtattarynyń ornyna kezekten tys sailaý jylyna eki ret naýryzdyń jáne (nemese) qazannyń sońǵy jeksenbisinde ótkiziledi. Osyǵan orai 2018 jylǵy 28 qazanda respýblikanyń 14 óńirinde sailaý ótedi.
Respýblika boiynsha tutas alǵanda 83 bos okrýg quryldy, sonyń ishinde:
oblystyq máslihattarǵa – 12,
qalalyq máslihattarǵa – 9,
aýdandyq máslihattarǵa – 62.
2018 jylǵy qazandaǵy sailaý naýqanyna depýtattardyń ókilettigin merziminen buryn toqtatýdyń negizgi sebepteri:
1) tiisti ákimshilik-aýmaqtyq birliktiń shekarasynan tys turaqty turýǵa ketý – 31;
2) memlekettik qyzmetke qabyldaý – 26;
3) otstavka týraly jeke ótinishi – 16 (sonyń ishinde densaýlyǵyna bailanysty – 5);
4) depýtattyń qaitys bolýy - 5;
5) oblystyq máslihat depýtaty bolyp sailanýy – 3;
6) Qazaqstan Respýblikasynyń azamattyǵyn toqtatýy – 2.
Máslihattar depýtattarynyń ókilettigi kelesi laýazymdarǵa sailaýyna nemese taǵaiyndalýyna bailanysty merziminen buryn toqtatyldy:
aýdan ákimi, aýdan ákiminiń orynbasary – 3 adam;
oblystyq (aýdandyq) mańyzy bar qala ákimi, ákimniń orynbasary – 4 adam;
aýyldyq okrýg ákimi – 4 adam.
Oblystyq jáne aýdandyq dengeidegi jergilikti atqarýshy organdardyń mamandary bolyp taǵy 14 máslihat depýtaty taǵaiyndalyp, 3 aýdandyq máslihat depýtaty oblystyq máslihat depýtattary bolyp sailandy.
Kandidattardy usyný 2018 jylǵy 28 tamyzda bastalyp, 27 qyrkúiekke deiin ótkiziledi. Kandidattardy tirkeý 2018 jylǵy 2 qazanda aiaqtalady.
Otyrys barysynda sonymen birge Qazaqstan Respýblikasy Ortalyq sailaý komissiiasynyń «2018 jylǵy 5 qazanǵa taǵaiyndalǵan Qazaqstan Respýblikasy Parlamentiniń Senaty depýtattarynyń sailaýynda Qazaqstan Respýblikasy Parlamenti Senatynyń depýtattyǵyna kandidattyń respýblikalyq biýdjet qarajatynan jabylatyn shyǵystarynyń mólsherlerin belgileý týraly» Qaýlysy qabyldandy.
Shyǵystar «Qazaqstan Respýblikasyndaǵy sailaý týraly» Qazaqstan Respýblikasynyń 1995 jylǵy 28 qyrkúiektegi Konstitýtsiialyq zańynyń 28-babynyń 3-tarmaǵyna, 33-babynyń 2-tarmaǵyna sáikes, «2018-2020 jyldarǵa arnalǵan respýblikalyq biýdjet týraly» Qazaqstan Respýblikasynyń zańyna sáikes ázirlendi.
