Foto: Tengrinews.kz/Alihan Sariev
Máslihat depýtattary 2040 jylǵa arnalǵan Almatynyń jańa Bas josparyn bekitti, - dep habarlaidy Tengrinews.kz.
Almaty qalasynyń ákimi Erbolat Dosaevtyń aitýynsha, qalanyń qazirgi Bas jospary osydan 20 jyldan astam ýaqyt buryn ázirlengen jáne monoortalyqtyq damý modeline negizdelgen, iaǵni jumys oryndary men áleýmettik-mádeni qyzmetter qalanyń tarihi ortalyǵyna tyǵyz shoǵyrlanǵan.
"Sodan beri qala aýmaǵy jaǵynan da, halyq sany boiynsha da eki ese ulǵaidy. Jańa Bas josparda turǵyn úi, áleýmettik, kólik jáne injenerlik infraqurylymy damyǵan 5 jańa poliortalyq qurylatyn poliortalyqtyq damý modeline kóshý kózdeledi. Bul osy poliortalyqtardyń turǵyndary úshin barlyq qajetti igilikterdiń jaqyn ornalasýyna múmkindik beredi. Jańa bas jospar jaily qalalyq orta qurý jáne qalamyzdyń barlyq aýdandarynda ómir súrý sapasyn jaqsartý úshin berik negiz qalaitynyna senimdimin", - dedi Dosaev.
