Foto: Mash
Reseilik Telegram arnalar Máskeý túbindegi Crocus City Hall kontsert zalynda bolǵan terakt kezinde 15 jastaǵy qyrǵyzstandyq Islam atty bozbalanyń erligin jazyp jatyr, dep habarlaidy "Ult Aqparat" Ulysmedia.kz-ke silteme jasap.
Bala ortalyqtyń garderobynda jumys istegen. Terakt kezinde ol júzge jýyq adamdy ǵimarattan alyp shyqqan.
Jýrnalisterdiń aitýynsha, oqýshynyń otbasy Reseige Qyrǵyzstannan kóp ýaqyt buryn kóship kelgen. Islamnyń ózi Reseide týyp ósken.
- Adamdar jinalyp qaldy. Dereý qashyp ketkim keldi, biraq men nusqaý boiynsha bárin jasadym: adamdardy dereý shyǵaryp, sońynda ózim shyqtym. Aamdar shyqqannan keiin shyǵaryp, eshkim qalmaǵanyna kóz jetkizý úshin olardyń artynan júrdim, - degen ol BAQ ókilderine.e bergen suhbatynda.
Islam siiaqty barlyq ákimshilerge tótenshe jaǵdai kezinde nusqaý berilgen jáne ol barlyǵyn nusqaý boiynsha jasaǵan.
Lańkestik áreket pen onyń saldarynan bolǵan órt kezinde Islam halyqqa baǵyt-baǵdar bergen. Kópshiliktiń dárethana jaqtaǵy tuiyqqa tirelgenin baiqaǵan jasóspirim evakýatsiia júrgize bastaǵan. Ol adamdardy tar ótkelden Ekspo aýmaǵyna, odan ári keńse ǵimaraty arqyly kóshege – qaýipsiz jerge jetkizgen.
Bos ýaqytynda jasóspirim garderobta jartylai jumys kestesimen jumys isteidi jáne «Spartak» balalar komandasynda fýtbol oinaidy.
Tergeý komitetiniń sońǵy málimeti boiynsha, Máskeý oblysyndaǵy Crocus City Hall kontsert zalyna jasalǵan shabýyldan 133 adam zardap shekti, 140 adam jaraqat aldy.11 kúdikti ustaldy, onyń ishinde tórteýi shabýylǵa tikelei qatysqan.
