Facebook qoldanýshysy Nurtas Soltanuly Resei men Qazaqstan arasyndaǵy dostyq qarym-qatynas týraly kólemdi jazba jariialap, Máskeýde ótken segiz jyldyq ómirinen estelikterin aitty, dep habarlaidy ult.kz.
Avtordyń aitýynsha, ol Resei astanasynda uzaq jyldar ómir súrip, qazaqtarǵa degen qurmetti óz kózimen kórgen. Onyń sózinshe, Máskeýde turǵan ýaqytynda ultyna nemese tiline bailanysty qysym kórmegen. Kerisinshe, qazaq ekenin bilgen jandar syilastyq tanytqanyn atap ótti.
Sondai-aq ol Reseidegi qazaq stýdentteriniń kóptigin, eki el arasyndaǵy mádeni-gýmanitarlyq bailanystyń tereń ekenin jazǵan. Jazbada Máskeýdegi Abai eskertkishi, Peterbordaǵy Jambyl eskertkishi, sondai-aq qazaq batyrlarynyń esimi berilgen kósheler men mektepter týraly aitylǵan.
Nurtas Soltanuly Qazaqstan men Resei arasyndaǵy tatýlyq pen kórshilik qarym-qatynastyń mańyzyn erekshe atap ótip, mundai bailanysty saqtaýda eki el basshylarynyń róli zor ekenin jetkizgen.
Ol bul pikirin Resei prezidenti Vladimir Pýtinniń Qazaqstanǵa qatysty maqalasynan keiin jazǵanyn aityp, aldaǵy Astanada ótetin kezdesýlerge sáttilik tiledi.
Aita keteiik, 28-29 mamyr kúnderi Qasym-Jomart Toqaev pen Vladimir Pýtin Astanada kezdesip, Eýraziialyq ekonomikalyq odaq aiasyndaǵy kópjaqty kelissózderge qatysady.
