Facebook قولدانۋشىسى نۇرتاس سولتانۇلى رەسەي مەن قازاقستان اراسىنداعى دوستىق قارىم-قاتىناس تۋرالى كٶلەمدٸ جازبا جارييالاپ, مەسكەۋدە ٶتكەن سەگٸز جىلدىق ٶمٸرٸنەن ەستەلٸكتەرٸن ايتتى, دەپ حابارلايدى ult.kz.
اۆتوردىڭ ايتۋىنشا, ول رەسەي استاناسىندا ۇزاق جىلدار ٶمٸر سٷرٸپ, قازاقتارعا دەگەن قۇرمەتتٸ ٶز كٶزٸمەن كٶرگەن. ونىڭ سٶزٸنشە, مەسكەۋدە تۇرعان ۋاقىتىندا ۇلتىنا نەمەسە تٸلٸنە بايلانىستى قىسىم كٶرمەگەن. كەرٸسٸنشە, قازاق ەكەنٸن بٸلگەن جاندار سىيلاستىق تانىتقانىن اتاپ ٶتتٸ.
سونداي-اق ول رەسەيدەگٸ قازاق ستۋدەنتتەرٸنٸڭ كٶپتٸگٸن, ەكٸ ەل اراسىنداعى مەدەني-گۋمانيتارلىق بايلانىستىڭ تەرەڭ ەكەنٸن جازعان. جازبادا مەسكەۋدەگٸ اباي ەسكەرتكٸشٸ, پەتەربورداعى جامبىل ەسكەرتكٸشٸ, سونداي-اق قازاق باتىرلارىنىڭ ەسٸمٸ بەرٸلگەن كٶشەلەر مەن مەكتەپتەر تۋرالى ايتىلعان.
نۇرتاس سولتانۇلى قازاقستان مەن رەسەي اراسىنداعى تاتۋلىق پەن كٶرشٸلٸك قارىم-قاتىناستىڭ ماڭىزىن ەرەكشە اتاپ ٶتٸپ, مۇنداي بايلانىستى ساقتاۋدا ەكٸ ەل باسشىلارىنىڭ رٶلٸ زور ەكەنٸن جەتكٸزگەن.
ول بۇل پٸكٸرٸن رەسەي پرەزيدەنتٸ ۆلاديمير پۋتيننٸڭ قازاقستانعا قاتىستى ماقالاسىنان كەيٸن جازعانىن ايتىپ, الداعى استانادا ٶتەتٸن كەزدەسۋلەرگە سەتتٸلٸك تٸلەدٸ.
ايتا كەتەيٸك, 28-29 مامىر كٷندەرٸ قاسىم-جومارت توقاەۆ پەن ۆلاديمير پۋتين استانادا كەزدەسٸپ, ەۋرازييالىق ەكونوميكالىق وداق اياسىنداعى كٶپجاقتى كەلٸسسٶزدەرگە قاتىسادى.
