Máskeý meri Sergei Sobianin el astanasynda 5 myńnan astam adam qatysatyn buqaralyq sharalardy ótkizýge tyiym salynǵany týraly habarlady. Bul shekteý 10 sáýirge deiin jalǵasady, dep habarlaidy TASS agenttigi.
«Búgin men Máskeýde 5 myńnan astam adamnyń qatysýymen ótetin buqaralyq sharalardy ótkizýge tyiym salý týraly jarlyqqa qol qoidym», - dep habarlady seisenbi kúni Sobianin óz jazbasynda.
Onyń aitýynsha, fýtbol jáne hokkei oiyndaryn qosa alǵanda, sporttyq is-sharalarǵa kelýshilerge de shekteý qoiylady, qatysýshylar men jankúierler sany 5 myńnan aspaýy kerek.
Sobianin koronavirýstyq infektsiianyń taralý jaǵdaiy qiyndaǵanyn atap ótti. «Biz Italiiadaǵy, Germaniiada jáne basqa da eýropalyq kórshilerimizde jaǵdai qalai asqynyp jatqanyn kórip otyrmyz», - delingen habarlamada. Osyǵan bailanysty, Máskeý meri adamdardyń densaýlyǵyn qorǵaý úshin qosymsha shekteý sharalaryn qabyldaý qajet ekenin aitty.
Eske sala keteiik, koronavirýs infektsiiasy jeltoqsan aiynda QHR-da tarala bastady. Qazirgi ýaqytta 100-den astam elde virýs juqtyrý jaǵdailary anyqtalǵan.
