Máskeýdiń Densaýlyq saqtaý júiesi epidemiianyń aýyr júktemesine tótep berdi. Bul týraly Máskeý meri Sergei Sobianin málim etti, dep habarlaidy TASS agenttigi.
«Virýspen aýyrǵandar sany azaiyp keledi. Alda áli kóp jumys kútip tursa da, densaýlyq saqtaý júiesi bul qatty qysymǵa tótep bergeni anyq», - dep jazdy mer óziniń saitynda.
Pandemiia bastalǵaly álemde 110 millionǵa jýyq adam koronaviýrsqa shaldyqqan, 2,4 mln adam kóz jumǵan. Reseide koronavirýspen kúres jónindegi federaldy jedel shtabtyń málimetinshe 18 aqpandaǵy jaǵdai boiynsha 4 125 598 aýrý juqtyrý jaǵdaiy tirkelgen, 3 661 312 naýqas emdelip shyqsa, 81 926 adam qaitys bolǵan.
Reseide koronavirýs juqtyrýshylar sany boiynsha Máskeý kósh bastap tur. Munda 962 637 aýrýǵa shaldyǵý jaǵdaiy anyqtalǵan, 878 655 naýqas saýyǵyp shyqsa, 14 578 adam kóz jumǵan.
