Máskeýde Qazaqstan men Reseidiń syrtqy ister ministrleri Muhtar Tileýberdi men Sergei Lavrovtyń ekijaqty kezdesýleri bastaldy, dep habarlaidy "Ult aqparat".
S.Lavrov taraptar birqatar baǵyttar boiynsha qarqyndy bailanystardy, saiasi dialog pen ózara is-qimyldy jalǵastyratynyn málimdedi. Bul rette búgin Máskeýde ótip jatqan ShYU Syrtqy ister ministrleriniń keńesi tolyqqandy kelissózder júrgizý úshin qolaily jaǵdai jasaidy.
«Bizde eki jaqty bailanystar turǵysynan alǵanda jyldyń ekinshi jartyjyldyǵy birqatar is-sharaǵa toly. Biz Kókshetaýda Aimaqaralyq yntymaqtastyq forýmyn joǵary dárejede ótkize alamyz dep úmittenemiz. Sondai-aq Saýda-ekonomikalyq yntymaqtastyq jónindegi úkimetaralyq komissiianyń otyrysyn qosa alǵanda, basqa da is-sharalar óz deńgeiinde ótetinine senimdimiz», - dep atap ótti S. Lavrov.
«Federatsiia Keńesiniń Tóraǵasy Valentina Matvienkonyń Qazaqstanǵa saparyn qosa alǵanda, birqatar saparlar josparlanǵan. Árine, bizdiń ministrlikter BUU, EQYU jáne basqa da halyqaralyq uiymdardyń kún tártibine shyǵarylatyn máselelerdi únemi tekserip otyrady. Olardyń qatarynda Eýraziialyq ekonomikalyq integratsiia, TMD qyzmeti, UQShU taqyryby da bar», - dedi RF SIM basshysy.
