"Baitaq mekenim" qoǵamdyq qorynyń bastamasymen Resei astanasy Máskeýde aqiyq aqyn Tólegen Aibergenovtyń 80 jyldyǵyna orai "Bir toiym bar..." atty ádebi-sazdy kesh ótti. Mańǵystaýlyq bir top azamat bastaǵan sharanyń Reseidiń bas qalasynda ótýine qol ushyn sozǵan Máskeýdegi Halyqtar dostyǵy men ulttyq mádenietterdiń damýyn qoldaýdyń "Astana" qory jáne Almaty qalasynyń ákimdigi bolatyn.
Tvorchestvalyq keshke júzden astam poeziia súier qaýym jinaldy. Olardyń qatarynda ulttyq mádeni ortalyqtardyń ókilderi, joǵary oqý oryndarynyń oqytýshylary men Máskeýde bilim alyp jatqan qazaq stýdentteri bar. Mádeni shara qazaq jáne orys tilderinde ótti. Sahna tórinde aqynnyń óleńderi oqylyp, birneshe áni shyrqaldy. Atap aitqanda, QR Eńbek sińirgen qairatkeri, ánshi Sáýle Janpeiisova jáne "Aqtóbe" gazetiniń bas redaktory Baýyrjan Babajanuly, tanymal ánshi Roza Álqoja jáne aqynnyń qyzdary Saltanat, Mahabbat, Qusni, Ainar jáne taǵy basqa poeziia súier qaýym sóz sóiledi. Al keshke jinalǵan qonaqtar qol soǵyp, qoshemet kórsetti.
"Baitaq mekenim" qoǵamdyq qorynyń tóraǵasy Sábit Toqymbetovtyń aitýynsha, aqynnyń shyǵarmashylyǵyn zertteýdi qolǵa alý maqsatynda ótken jyly 22 aqpanda Aqtaý qalasynda bastaý alǵan "Ata jurtyn ańsaǵan Aibergenov" atty birinshi ǵylymi-teoriialyq konferentsiia ótkizilip, sol jyly qazan aiynyń 14-shi juldyzynda Shymkent qalasynda bir top Shymkenttik kásipkerlerdiń qoldaýymen «Tólegen Aibergenov ańsaǵan álem» atty halyqaralyq ǵylymi-tájiribelik konferentsiiamen jalǵasqan. Sondai-aq, "Aq jol" jastar qanatymen birlesip ońtústik astanamyz Almaty shaharyndaǵy Jazýshylar odaǵyndaǵy ádebietshiler úiinde "Tólegen Aibergenov poeziiasy jáne qazirgi zaman" atty úshinshi halyqaralyq ǵylymi-tájiribelik konferentsiiasyda joǵary dárejede ótkizilgen. Aqtaý men Shymkentte ótken konferentsiianyń materialdary kitap bolyp shyqsa, Almatyda ótken konferentsiia týraly tolyqqandy maǵlumat jýyq arada jańa kitap bolyp shyǵady dep kútilýde. Sonymen qatar, "Baitaq mekenim" qoǵamdyq qory Tólegen Aibergenovtiń 80 jyldyǵyna orai 80 estelik medal shyǵarǵan. Medal iegerlerine Máskeý qalasynda qor tóraǵasy Sábit Toqymbetov bastap tabystady. Endi alda aqynnyń 80 jyldyǵynyń qorytyndy keshi Astana qalasynda ústimizdegi jyly 22 jeltoqsanda ótedi dep josparlanyp otyr. Astana tórindegi Ulttyq kitaphanada qalǵan medal iegerlerine saltanatty túrde tabystalmaq.
Sondai-aq, belgili bolǵandai aqynnyń keibir óleńderi buǵan deiin orys tiline aýdarylsa, biyl Túrkiialyq ǵalym Oǵyz Doǵan túrik tiline, Bulbul Matai qytai tiline, Bahodir Ýbaidýllaýǵly ózbek tiline aýdarýdy qolǵa alǵan.
Aldaǵy ýaqytta Shymkent qalasynda Tólegen Aibergenov atyndaǵy ǵylymi-zertteý ortalyǵyn ashý josparlanyp otyr. Bul bastamany Ońtústik Qazaqstan memlekettik pedagogikalyq ýniversitetiniń rektory Ońalbai Aiashevtyń ózi qoldaǵan. Iaǵni, "Tólegentaný" ǵylymi-zertteý ortalyǵy arqyly aqynnyń ómiri men shyǵarmashylyǵyn tereń zertteý kózdelgen. Tólegentaný ortalyǵy ashylar bolsa, oǵan qoldaý kórsetetin jandar óte kóp. Osy bastamany buqaralyq aqparat quraldarynda qaita-qaita kóterip júrgen Taraz memleketik pedagogikalyq ýniversitetiniń janynan qurylǵan "Baýyrjantaný" ǵylymi-zertteý ortalyǵynyń qyzmetkeri, pedagogika ǵylymdarynyń magistri Álimbai Amanbaiuly Naizabaevty erekshe atap ótý qajet.
Tólegen aqynnyń óleńderin oqi otyryp, onyń ózine arnalǵan óleńder jinaǵy birneshe ese kóp ekenin ańǵarýǵa bolady. Kózi tirisinde zańǵar jazýshy marqum Ábish Kekilbaev "Bizdiń qolymyzda qalǵan bir-eki juqa kitap – T. Aibergenov talantynyń shalqar dariiasy emes, asaý arnanyń basy ǵana edi. Onyń kók telegei kól bolyp shalqýyn kórýdi taǵdyr bizdiń mańdaiymyzǵa jazbapty" dese, adýyndy aqyn Temirhan Medetbektiń "Telegei teńiz tebirenisterdiń aqyny" atty kólemdi maqalasy respýblikalyq buqaralyq aqparat quraldaryna shyqty. Al mańǵystaýlyq aqyn Sabyr Adai bolsa, "Tólegen Aibergenov - ulttyq rýhtyń bul buly, qarlyǵashy" degen bolatyn. Sondai-aq, Qadyr Myrza Áli, Fariza Ońǵarsynova, Muhtar Shahanov, Syrbai Máýlenov jáne Seifolla Ospan syndy óner salasynyń maitalmandary da aqynǵa talai óleń arnaǵanyn el jaqsy biledi.
Sonymen qatar, Tólegen Aibergenov atyndaǵy syilyqtyń laýreaty Svetqali Nurjanov, aqyn, "Janartaý" qoǵamdyq birlestiginiń jetekshisi Anar Shamshadinova jáne Ázirbaijan Qonarbaev, Tólegen aqynnyń óleńderin nasihattaýda áli de bolsa atsalysýda. Buǵan qosa "Aqerke Jaiyq" ánin aitpaǵanda, ánshi Tamara Asardyń oryndaýyndaǵy Tólegen Aibergenovtyń sózine jáne Shámshi Qaldaiaqovtyń ánine jazylǵan "Jańǵyrǵan Mańǵystaý" týyndysyn erekshe atap ótýge bolady. Bul rette osy ándi únemi oryndap, mádeniet salasynda kóp jyldar boiy ter tógip júrgen Shetpe turǵyny Ábil Jumaǵazievtyń da talantyn eskermei ketýge bolmaidy. Jalpy, tek aqyndardy alatyn bolsaq, biylǵy 2017 jyl Tólegen Aibergenovke arnaldy desek artyq aitpaǵan bolar edik. Eń bastysy, el arasynda osyndai sharalardyń joǵary deńgeide ótýine ýaqyt taýyp, qoldaý kórsetip júrgen jandarǵa alǵystan basqa aitarymyz joq.
Daiyndaǵan Nurbol Oqýov
