Abaidyń 175 jyldyǵyna orai Máskeýdegi «Chistye Prýdy» býlvaryndaǵy uly qazaq aqyny eskertkishiniń janynda eki mádeni shara ótkizildi, dep habarlaidy "Ult aqparat" SIM baspasóz qyzmetine silteme jasap.
Reseidegi Qazaqstan elshisi Ermek Kósherbaevtyń basshylyǵymen elshilik diplomattary, sonymen qatar qazaq mádenietiniń Máskeýdegi qoǵamdastyǵynyń ókilderi Resei astanasyndaǵy «Chistye Prýdy» býlvaryndaǵy uly qazaq aqyny hám oishylynyń eskertkishine gúl shoqtaryn qoidy.
Diplomattar aqyn shyǵarmashylyǵynyń arqasynda Pýshkin, Lermontov, Giote, Bairon, Shillerdiń jáne basqa da álemdik mádeniet ókilderiniń shyǵarmalary qazaq tilinde sóilegenin atap ótti. Is-shara aiasynda elshilik qyzmetkerleri Abaidyń Qara sózderin oqyp, áigili «Jelsiz túnde jaryq ai» ánin aitty. Sondai-aq, elshilik Abai mereitoiyna arnaiy Rýnette abai175.ru saityn tanystyrdy, onda uly aqynnyń ómiri men shyǵarmashylyǵy jaily aqparat toptastyrylǵan.
Sondai-aq, Abai eskertkishiniń janynda biregei installiatsiia usynyldy.
Uly qazaq aqynynyń sýreti salynǵan kólemdi pazl qazaqstandyq balalardyń 200 sýretinen quralǵan. Olar aqynnyń 175 jyldyǵyna orai ótkizilgen kóptegen konkýrs nátijesi boiynsha irikteldi.
Sharany Qazaqstannyń Reseidegi elshiligi, Reseidiń Qazaqstandaǵy elshiligi, «Reseidiń mádeni maýsymdary» qory, Qazaqstandaǵy Resei yntymaqtastyǵy ókildigi, Balalar óner mektebi – IýNESKO klýby (Nur-Sultan q.), Qazaqstandaǵy pedagog sýretshilerdiń halyqaralyq odaǵy, «Balalar álemdi beineleidi» qory (Qazaqstan), «Jambyl daryny» ortalyǵy – IýNESKO klýby (Taraz q.), «Lord» litseii (Petropavl q.).
Qazaqstannyń Reseidegi elshisi Ermek Kósherbaev naýqan ótkizilip jatqan orynnyń mańyzdylyǵyn atap ótti. Diplomat aqynnyń qara sózderi búgingi tańda da ózekti ekenin, óitkeni turǵylyqty jerine qaramastan barlyq adamdar úshin túsinikti ekenin atap ótti.
Máskeýdiń syrtqy ekonomikalyq jáne halyqaralyq bailanystar departamenti basshysynyń orynbasary Aleksei Bondarýk Resei astanasymen Qazaqstandy erekshe jyly, tiimdi jáne dostyq qatynastar bailanystyratynyn atap ótti. «Máskeýlik retinde men úshin qazaq halqymen aramyzdaǵy dostyq qatynastar kóbinese Abaidyń shyǵarmashylyǵyna negizdeletinin seziný mańyzdy. Bálkim, 1941 jyly orys jáne qazaq halyqtaryna Máskeýdi qorǵap qalýǵa járdemdesken «bolat qylysh» Abaidyń orys klassikterin aýdarǵan týyndylaryna negizdelgen bolar. Men máskeýlik retinde osyndai keremet uly tulǵany qatty qurmetteimin», – dep atap ótti Bondarýk.
