Almatyda ótken onlain brifing barysynda qalanyń bas sanitar dárigeri Jandarbek Bekshin maska taǵýdyń talaptaryn aitty, dep habarlaidy "Ult aqparat".
Onyń aitýynsha, qalada qazir eń negizgi kásiporyndar ǵana jumys isteýge kirisken. Bas sanitar dáriger jumysqa shyqqan qyzmetkerlerge barlyq erejeni saqtaý kerektigin eskertti.
«Biz óte aýyr infektsiiamen betpe-bet kelip otyrmyz. Virýs aýa tamshylary arqyly, turmystyq bailanys arqyly, jýylmaǵan azyq-túlikpen de juǵa beredi. Virýs – bireý, juǵý joldary óte kóp. Eń aldymen turǵyndarǵa dárihanalar men azyq-túlik dúkenine barǵanda maska men qolǵap kiiýge keńes beremin. Saýda oryndarynda belgilengen qashyqtyqty saqtaýdy talap etemiz. Qyzmetkerlerge mindetti túrde qalta antiseptigin alyp júrýi kerek», - deidi Bekshin.
Sonymen qatar ol kóshede maska taqpaýǵa shaqyrdy.
«Maskany tek ǵimarattyń ishinde taǵýǵa keńes beremiz. Bizde maska tapshylyǵy bolǵandyqtan, kóshede maska taǵýdyń qajeti joq. Biz maskany kóshede taqsaq, kerisinshe ylǵaldandyryp jaramsyz etemiz. Al ylǵaldy orta - virýstyń kóbeiýine qolaily orta», - dedi J.Bekshin.
