الماتىدا ٶتكەن ونلاين بريفينگ بارىسىندا قالانىڭ باس سانيتار دەرٸگەرٸ جانداربەك بەكشين ماسكا تاعۋدىڭ تالاپتارىن ايتتى, دەپ حابارلايدى "ۇلت اقپارات".
ونىڭ ايتۋىنشا, قالادا قازٸر ەڭ نەگٸزگٸ كەسٸپورىندار عانا جۇمىس ٸستەۋگە كٸرٸسكەن. باس سانيتار دەرٸگەر جۇمىسقا شىققان قىزمەتكەرلەرگە بارلىق ەرەجەنٸ ساقتاۋ كەرەكتٸگٸن ەسكەرتتٸ.
«بٸز ٶتە اۋىر ينفەكتسييامەن بەتپە-بەت كەلٸپ وتىرمىز. ۆيرۋس اۋا تامشىلارى ارقىلى, تۇرمىستىق بايلانىس ارقىلى, جۋىلماعان ازىق-تٷلٸكپەن دە جۇعا بەرەدٸ. ۆيرۋس – بٸرەۋ, جۇعۋ جولدارى ٶتە كٶپ. ەڭ الدىمەن تۇرعىندارعا دەرٸحانالار مەن ازىق-تٷلٸك دٷكەنٸنە بارعاندا ماسكا مەن قولعاپ كييۋگە كەڭەس بەرەمٸن. ساۋدا ورىندارىندا بەلگٸلەنگەن قاشىقتىقتى ساقتاۋدى تالاپ ەتەمٸز. قىزمەتكەرلەرگە مٸندەتتٸ تٷردە قالتا انتيسەپتيگٸن الىپ جٷرۋٸ كەرەك», - دەيدٸ بەكشين.
سونىمەن قاتار ول كٶشەدە ماسكا تاقپاۋعا شاقىردى.
«ماسكانى تەك عيماراتتىڭ ٸشٸندە تاعۋعا كەڭەس بەرەمٸز. بٸزدە ماسكا تاپشىلىعى بولعاندىقتان, كٶشەدە ماسكا تاعۋدىڭ قاجەتٸ جوق. بٸز ماسكانى كٶشەدە تاقساق, كەرٸسٸنشە ىلعالداندىرىپ جارامسىز ەتەمٸز. ال ىلعالدى ورتا - ۆيرۋستىڭ كٶبەيۋٸنە قولايلى ورتا», - دەدٸ ج.بەكشين.
