QMDB tóraǵasynyń orynbasary, naib múfti Ershat Ońǵar qurbandyq shalatyn qasapshy men qasaphanaǵa qandai talaptar qoiylatynyn túsindirdi, dep habarlaidy QazAqparat.
«Qasaphanaǵa mindetti túrde betperde taǵyp kirip, antiseptik zattaryn barynsha paidalaný kerek. Araqashyqtyqty qatań saqtaý, bir-birimen qol alyspaý, dene qyzýy 37 gradýstan joǵary, tumaý jáne basqa da aýrý belgileri bar adamdarǵa kelmeý jáne jasy 65-ten asqan qariialardyń, áielder men balalardyń qurban malyn shalatyn oryndarǵa barmaýy suralady», - dedi Ershat Ońǵar Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, qasapshy musylman bolýy kerek, kámeletke tolǵan, fizikalyq jáne psihikalyq turǵyda saý, mal soiýdy jaqsy meńgergen bolýy qajet.
«Soiylatyn jerge maldy qinamai aparý kerek. Pyshaqty mal aldynda qairaýǵa, ótpes pyshaqpen soiýǵa, bir maldyń kózinshe basqa bir maldy baýyzdaýǵa bolmaidy. Maldy qubylaǵa qaratyp, sol jaǵymen jatqyzyp, eki aldyńǵy aiaǵy men bir artqy aiaǵyn qosa bailaý kerek. Birden óńeshtiń eki kúretamyryn kesip, jany shyqqanyn kútý kerek. Jany shyqpai turyp, terisin almańyzdar. Soiylǵan maldyń terisi men ishek-qarnyn aiaqasty etpei, barynsha qoldanýy shart», - dep túsindirdi naib múfti.
Qasaphanaǵa keletin adamdardyń dene qyzýyn ólshenedi, antiseptik pen maska qoiylady.
«Qasaphanaǵa tolymdyǵyn 30 paiyzdan asyrmai, keminde
Buǵan deiin naib múfti qurbandyq shalatyn oryndarǵa barý úshin aldyn ala jazylý qajettigin eskertken edi.
Sondai-aq, biyl qurbandyq shalatyn arnaiy oryndarda «ASHYQ» mobildi qosymshasy iske qosylady. «Qyzyl» jáne «sary» mártebesi bar azamattar qurbandyq shalý oryndaryna jiberilmeidi, «kók», «jasyl» mártebesi barlar ǵana kirgiziledi.
Bas múftidiń aitýynsha, qurban2021.kz saity búgin saǵat 15:00-de iske qosylyp, Qurban aittyń úshinshi kúni iaǵni 22-shi shildege deiin jumys isteidi. Qurban shalýǵa niet etken azamattar osy aralyqta tapsyrystaryn bere alady. Osy sait arqyly respýblika boiynsha muqtaj jandar qurbandyq etin alý úshin 17 shildeden bastap ótinish bildire alady.
