Astanada ótip jatqan triatlonnan Qazaqstannyń ashyq chempionatynda kásibi triatlonshylar arasyndaǵy jarys jeńimpazdary anyqtaldy, dep habarlaidy Baq.kz tilshisi.
Kásibi sanattaǵy reseilik sportshy Ivan Týtýkin márege birinshi bolyp keldi. Qazaqstandyq triatlonshy Maksim Kriat ekinshi oryn alsa, úshinshi oryndy ýkrainalyq Viktor Zemtsev ielendi.
Sondai-aq, «Astana» komandasynyń burynǵy kóshbasshysy, 2012 jylǵy London Olimpiadasynyń jeńimpazy Aleksandr Vinokýrov chempionattyń 90 shaqyrymdyq qashyqtyqtaǵy velojarys kezeńinde jeńiske jetti.
Jarysqa barlyǵy 155 adam qatysýda. Olar 1,8 shaqyrymdy júzip ótip, 90 shaqyrymdy velosipedpen baǵyndyryp jáne 21,5 shaqyrymdy júgirip ótýi tiis. Komandalyq jarysqa 3 adamnan 19 top qatysyp otyr.
Atap ótsek, búgin Qazaqstan Triatlon federatsiiasynyń prezidenti Kárim Másimov barlyq qatysýshyny, uiymdastyrýshylar men kórermenderdi chempionattyń ashylýymen quttyqtaǵan bolatyn.
