© Sputnik / Vladislav Vodnev
Ulttyq qaýipsizdik komiteti tóraǵasynyń orynbasary Asqar Ámirhanov UQK burynǵy tóraǵasy Kárim Másimovtiń isine qatysty túsinikteme berdi, dep habarlaidy Sputnik Qazaqstan.
Ámirhanov qańtar oqiǵasy kezinde UQK burynǵy tóraǵasy Kárim Másimov te jumysqa kelgenin aitty. Biraq ol eks-tóraǵa qandai tapsyrma bergenin aitpady.
Jýrnalister Ámirhanovtan Kárim Másimovtiń qamaýda ustaý merzimi qashanǵa deiin uzartyla beretinin surady.
"Kúzge qarai aiqyn bolady dep oilaimyn", - dedi ol.
Sol ýaqytta sot óte me degen suraqqa "iá" dep jaýap berdi. Sottyń ashyq ne jabyq ótetinin sot organdary anyqtaitynyn aitty.
"Meniń bilýimshe, is materialdary qupiialanǵan. Sol sebepti jabyq ótýi de múmkin. Muny endi sot organdary anyqtaidy. Óitkeni ol jerde memlekettik qupiia bar", - dedi Ámirhanov.
Buǵan deiin Asqar Ámirhanov UQK tóraǵsynyń burynǵy birinshi orynbasary Samat Ábishten de jaýap alynyp jatqanyn málimdedi.
