QR Premer-Ministri Asqar Maminniń tóraǵalyǵymen ótken Úkimet otyrysynda elimizdiń 2020 jylǵy qańtar-naýryzdaǵy áleýmettik-ekonomikalyq damý qorytyndysy jáne respýblikalyq biýdjettiń atqarylýy qaraldy. Ónerkásiptik jáne energetika salalaryndaǵy jaǵdai týraly indýstriia jáne infraqurylymdyq damý ministri Beibit Atamqulov aityp berdi, dep habarlaidy "Ult aqparat" primeminister.kz saityna silteme jasap.
2020 jyldyń birinshi toqsany boiynsha ónerkásip óndirisiniń kólemi 105,8% qurady, onyń ishinde: taý-ken ónerkásibi 105%, óńdeýshi ónerkásip 108,8%. Ónerkásip óniminiń kólemi 15 óńirde oń nátijesin berýde.
Ministr habarlaǵandai, taý-ken óndirisi sektorynda tústi ken óndirisiniń kólemi 8,1%-ǵa ulǵaidy. Temir kenin óndirý salasynda oń dinamika baiqalýda, ósýi 22,2% qurady.
«Kómir men lignit óndirý kólemi 100,2% qurady. Óńdeý ónerkásibinde ósýi 8,8% qurady. Qara metallýrgiiada óndiris kólemi 101,5% qurady», — dedi B. Atamqulov.
Elde, sondai-aq álemniń basqa elderinde koronavirýstyq infektsiia pandemiiasynyń damýyna, sondai-aq metaldar naryǵy koniýnktýrasynyń qalyptasqan ahýalyna jáne eksporttyq áleýetti qaita bólýge bailanysty «ArselorMittal Temirtaý» AQ men ERG kompaniialar toby óndiristi turaqtandyrýdy jáne óndiriletin ónimdi úzdiksiz satýdy qamtamasyz etý maqsatynda balamaly ótkizý naryqtaryn qarastyrýda.
Mashina jasaý salasynda óndiris kólemi myna kólemderdiń ulǵaiýy esebinen 30,4%-ǵa ósti:
- avtokólik quraldary, treilerler jáne jartylai tirkemeler 69,5%;
- basqa sanattarǵa engizilmegen mashinalar men jabdyqtar 20,7%;
- elektr jabdyqtary 17,8%;
- ózge de kólik quraldaryn jasaý 53,6%;
- mashinalar men jabdyqtardy jóndeý jáne ornatý 6,2%;
- kompiýterler jasaý 9,6%.
Ministrdiń aitýynsha, farmatsevtika ónerkásibinde óndiris kólemi 32,2%-ǵa, jeńil ónerkásipte - 14,2%-ǵa, bylǵary jáne oǵan jatatyn ónimder - 18,9%-ǵa, kiim óndirisi - 14,7%-ǵa ósti. Qazirgi ýaqytta «Qarapaiym zattar ekonomikasy» baǵdarlamasy sheńberinde salanyń damýy boiynsha birqatar normativtik aktiler men júieli sharalar qabyldanýda.
Kólik kesheni boiynsha 2020 jyldyń 1 toqsan boiynsha naqty kólem indeksi 98,7% qurady.
B. Atamqulov atap ótkendei, COVID-2019 koronavirýsynyń taralýy kólik salasyna áser etip otyr, atap aitqanda, búginde Qazaqstan aýmaǵynda koronavirýstyń taralýyna jol bermeý maqsatynda toqtatyldy:
- jolaýshylar avtobýsynyń tasymaly (onyń ishinde qalalyq jolaýshylar avtobýsynyń tasymaly);
- jolaýshylar poiyzy;
- jii áýe qatynastary.
Sonymen qatar keibir kásiporyndardyń jabylýy kólik pen logistikaǵa yqpal etedi, sebebi tasymaldy jetkizý men tapsyrys kólemin tómendetedi.
Qurylys boiynsha naqty kólem indeksi 2020 jyldyń qańtar-naýryz ailary boiynsha 111,7% qurady. 16 óńirde oń dinamika baiqalady. Qaraǵandy, Batys Qazaqstan, Atyraý, Túrkistan jáne Aqmola oblystary kósh basshy bolyp keledi.
«Turǵyn úi qurylysy boiynsha 2020 jyldyń 1-toqsan qorytyndysy boiynsha 2 642 myń sharshy metr turǵyn úi paidalanýǵa berildi. Ol 2019 jyldyń uqsas kezeńimen salystyrǵanda 96,4% qurady. Jyldyq jospardyń oryndalýy 18,7% qurady. Respýblika boiynsha barlyǵy 21 069 birlik baspana paidalanýǵa berildi», — dep túiindedi B. Atamqulov.
