Mashina jasaý salasyn damýtydyń 2019-2024 jyldarǵa arnalǵan baǵdarlamasyna ózgerister engizilip jatyr, dep habarlaidy QazAqparat.
Bul týraly QR Indýstriia jáne infraqurylymdyq damý vitse-ministri Marat Qarabaev Qazaqstan mashina jasaýshylarynyń IH forýmynda aitty.
«Elimizdiń sapaly damýy óńdeýshi ónerkásiptiń neǵurlym tiimdi jáne básekege qabiletti baǵyttaryna ónerkásiptik saiasatty shoǵyrlandyrýǵa negizdelýi tiis. Álemdik tájiribede mashina jasaý «tehnologiialsy kúrdeli» salalardyń qataryna kiredi. Sondyqtan biz, neǵurlym kúrdeli jáne tiisinshe qosymsha quny joǵary taýarlardy óndirýge tiispiz. Mashina jasaý óniminiń otandyq óndirisin qoldaý úshin ministrlik Qazaqstannyń mashina jasaýshylar Odaǵymen birlesip, mashina jasaýdy damytýdyń 2019-2024 jyldarǵa arnalǵan Jol kartasyn ázirledi, bekitti jáne iske asyrýda», - dedi vitse-ministri forýmnyń pelnarlyq otyrysynda.
Onyń sózine qaraǵanda, jol kartasy salyq preferentsiialaryn engizý, institýtsionaldyq ortany jetildirý, otandyq kásiporyndardy shikizatpen qamtamasyz etý, satyp alýdaǵy jergilikti qamtý úlesin arttyrý, tehnikalyq retteý sharalaryn jetildirý, ekonomikalyq yntalandyrý tetikterin engizý bóliginde is-sharalardy kózdeidi.
«Qazirgi ýaqytta mashina jasaýdy damytý jónindegi 2019-2024 jyldarǵa arnalǵan Jol kartasyn ózektendirý júrgizilýde, onda otandyq taýar óndirýshilerdi qoldaý men yntalandyrýdyń qosymsha tetikteri boiynsha usynystar ázirlendi.
Osylaisha, otandyq taýar óndirýshilerdi qoldaý maqsatynda ministrlik kásipkerlikti yntalandyrý týraly erikti kelisim jasasý boiynsha shara usyndy.
Kelisimge jer qoinaýyn paidalaný salasyndaǵy ýákiletti organ men jer qoinaýyn paidalanýshylar arasynda qol qoiylady jáne halyqaralyq mindettemelerge qaishy kelmeidi.
Búgingi tańda qatty paidaly qazbalardy óndirý boiynsha 37 jer qoinaýyn paidalanýshymen 46 kelisimge jáne kómirsýtek shikizaty boiynsha 65 jer qoinaýyn paidalanýshylmen 112 kelisimge qol qoiyldy», - dedi Marat Qarabaev.
