Marqakól kóliniń jaǵalaýy qorshaýǵa alyndy. Aýdanda táýlik boiy balyq inspektorlarynyń baqylaý beketi jumys istep jatyr. «Qazaviaormanqorǵaý» qyzmetkerleriniń kómegimen jaǵdai jerde de, áýeden de qadaǵalaidy, dep habarlaidy "Ult aqparat".
«Osyndai qatań sharalar sońǵy statistikadan keiin qoldana bastaǵan. Jyl basynan beri Qazaqstannyń shyǵysynda 300-den astam brakonerlik faktisine jol berilmedi. Balyqtyń ýyldyryq shashý kezeńinde ǵana 32 ákimshilik is qozǵalǵan. Oblystyń jaǵalaýda ornalasqan birneshe aýdandarynyń turǵyndary jaýapqa tartyldy. Zańsyz balyq aýlaýshylardan 300 keliden astam balyq alyndy. Brakonerlik qyzmetten túsken shyǵyn biylǵy jyly 4 millionnan astam teńgeni quraǵan», - dep atap ótti Ekologiia, geologiia jáne tabiǵi resýrstar ministrliginiń baspasóz qyzmeti Telegram arnasynda.
ShQO Orman sharýashylyǵy jáne janýarlar álemi inspektsiiasynyń bas mamany Farhat Baibazarovtyń atap ótýinshe, 68 aý men balyq aýlaityn 14 qural alynǵan. Marqakólde 10 beket ornatyldy.
«Onda inspektorlar túnep, aýysym boiynsha jumys isteidi, biz aýmaqtyq inspektsiiamen birge keste boiynsha turaqty túrde kezekshilikke shyǵyp otyramyz», - dep habarlady F.Baibazarov.
Buǵan deiin habarlanǵandai, Ekologiia, geologiia jáne tabiǵi resýrstar ministrligi Marqakól memlekettik tabiǵi qoryǵynyń aýmaǵynda 2020 jyly Brakonerlikpen kúres júrgizý boiynsha ózara árekettestik josparyn bekitti. Qazaqstan Prezidenti Qasym-Jomart Toqaev Marqakól kólindegi jaǵdaiǵa erekshe kóńil aýdaryp otyr. Ótken jyldyń shilde aiynda ol quqyq qorǵaý organdaryna Marqakól kólinde maiqan balyǵyn zańsyz aýlaǵan uiymdasqan qylmystyq toptyń qyzmetin toqtatýdy buiyrǵan.
