Biylǵy jyl Mark Tsýkerbergke aýyr tidi. Blýmberg agenttiginiń dereginshe, ol jyl basynan beri 19,9 mlrd dollar qarajatyn joǵaltqan, dep xabarlaidy SNBC.
Qazirgi tańda onyń dáýleti 52,9 milliard dollardy qurap otyr. Tsýkerberg Blýmberg nusqasy boiynsha Milliarderler reitingindegi eń bai adamdar tiziminde (Boomberg's Billionaires Index) jetinshi orynda tur.
Blýmbergtiń statistikalyq derekteri boiynsha, Tsýkerbergtiń dáýleti jyl basynda 72.8 milliard dollar bolǵan, ol jyl basynan beri sonyń 27.3% joǵaltqan.
Tsýkerberg 20 milliard dollarynan aiyrylǵan, bul qarjy Tesla bas direktory Ilon Masktyń dáýletimen birdei (Blýmberg deregi boiynsha, onyń bailyǵy - 23.4 milliard dollar).
2018 jyldyń 25 shildesinde Tsýkerbergtiń dáýleti 86,5 milliardqa jetken bolatyn.
Qazirgi tańda osy jyldy shyǵynmen aiaqtap jatqan milliarderler az emes. Mysaly, 20 jeltoqsanda Bill Geitstiń qarjysy 1.6 milliard dollarǵa qysqarǵan.
