Baqytjan Saǵyntaev Úkimetiniń nazaryna!
Jyl saiyn qarasha aiynyń ortasynda Jańa jylǵa daiyndyq bastalyp ketedi. Jyl saiyn Táýelsizdik merekesi sol Jańa jyldyń tasasynda qalyp jatady. Bul ulttyq merekemizge - mazaq! Bul memleket úshin kópe-kórneý - uiat!
Biyl Táýelsizdik merekesiniń 25 jyldyǵy tusynda jer-jerde Jańa jyldyq ázirlikterdi Táýelsizdik merekesinen erte bastaýǵa tyiym salynýy kerek! Qandai da bir syltaýmen bolsa da Jańa jyldyq bezendirýge, shyrsha, Ded morozdarǵa jol berilmegeni durys. Kóbi bilse de bilmegensip, óz bilgenderin istep jatady. Sondyqtan qulaq aspaǵan jeke tulǵalarǵa 50 AEK, zańdy tulǵalarǵa 100 AEK aiyp salynsyn!
Biz úshin jańa jyl merekesinen góri ulttyq merekemiz - Táýelizdik kúni qymbat! Elbasynyń Astanada shyrsha ottaryn jaǵýy Táýelsizdik merekesinen keiin júzege asyrylýy oryndy bolady. Bul resmi biliktiń ulttyq qundylyqtarǵa kózqarasyn bilderetin sát.
Eger biyl da burynǵy jyldardaǵydai Táýelsizdik merekesi "Novyi godtyń" tasasynda qalsa onda eń uly ulttyq qundylyǵymyzdyń bilik úshin quny kók tiynǵa da turmaitynyn biletin bolamyz.
Bul Qazaqstandaǵy qazaq jurtshylyǵynyń resmi haty.
Marat Toqashbaevtyń feisbýktegi paraqshasynan
