Búgin, 22-qazan kúni Almatyda «Astana» oteline jinalǵan jurt «úsh tuǵyrly til» baǵdarlamasyn talqylaý úshin osy jiynǵa qatyspaq peiilin bildirgen QR Bilim jáne ǵylym ministri Erlan Saǵadievti kádimgidei kútti.
Janbolat Mamai ministrdiń kelmeitinin habarlaǵanda vedomstvonyń halyqpen dialogqa qulyqsyz ekendigine taǵy da kóz jetkizdik. Ministrlikten osy jiynǵa qatysý týraly birde bir sheneýnikke tapsyrma berilmegen. Tek amal jasap, 26-qazanda Astanada ótetin dóńgelek ústelge shaqyrypty. Qazirgidei qarjylyq qiynshylyq jaǵdaiynda oǵan kim barady?
Bilim salasynyń janashyrlary, mamandar, ǵalymdar men qoǵam qairatkerleri ministr kelmese de úsh saǵatqa jýyq «úsh tuǵyrly til» baǵdarlamasynyń múmkindigi men kemistikterin talqylady.
M.Shahanov, Q.Jumadilov, D.Kóshim, Sh.Qurmanbaev, M.Toqashbaev, M.Myrzahmetov, M.Kenjebai, Tolǵanai qaryndasymyz ben osy taqyrypta sóilegen basqa qoǵamdyq jurtshylyq ókilderi «úsh tuǵyrly tildiń» antiqazaqtyq sipatyn ashyp berdi.
Bilim salasy men ekonomikasy qatar jetik damyǵan álemniń 20 eliniń birde birinde úsh tildilik tájiribesi joq eken. Ǵylymi zertteýler júrgizilmegen. Júielilik máselesin eshkim kótermeidi. Konferentsiiaǵa qatysýshylar Úkimet pen ministrlik atyna «úsh tuǵyrly til» siiaqty halyqqa ziiandy jobany dereý toqtatýǵa shaqyrǵan Úndeý hat qabyldady.
Marat Toqashbaevtyń feisbýktegi paraqshasynan
