QR Prezidentiniń Jarlyǵymen Marat Muhanbetqazyuly Tájin basqa jumysqa aýysýyna bailanysty Qazaqstan Respýblikasynyń Memlekettik hatshysy qyzmetinen bosatyldy, dep habarlaidy "Ult aqparat" Aqordaǵa silteme jasap.
"Memleket basshysynyń jarlyǵymen Marat Muhanbetqazyuly Tájin basqa jumysqa aýysýyna bailanysty Qazaqstan Respýblikasynyń memlekettik hatshysy qyzmetinen bosatyldy", - delingen habarlamada.
Marat Muhanbetqazyuly 1960 jyly dúniege kelgen. Sotsiologiialyq ǵylymdar doktory, professor, QR Áleýmettik ǵylym akademiiasynyń akademigi, Resei Áleýmettik ǵylym akademiiasynyń akademigi, QR Saiasi ǵylym akademiiasynyń akademigi.
QR Prezidenti Ákimshiligi basshysynyń orynbasary - Taldaý jáne strategiialyq zertteý ortalyǵynyń basshysy, Prezidenttiń ulttyq qaýipsizdik jónindegi kómekshisi - QR Qaýipsizdik Keńesiniń hatshysy, UQK tóraǵasy, Prezidenti Ákimshiligi basshysynyń birinshi orynbasary, Prezidenti Ákimshiligi basshysynyń birinshi orynbasary - Ishki saiasat basqarmasynyń bastyǵy, QR Syrtqy ister ministri, QR Memlekettik hatshysy, Qazaqstannyń Reseidegi Elshisi qyzmetterin atqarǵan.
1-shi dárejeli «Barys», «Qurmet» ordenderimen marapattalǵan.
