Búgin Aqordada Qazaqstan Memlekettik hatshysy Marat Tájin Aziia elderi qalamgerleriniń tuńǵysh forýmyna qatysýshylarmen kezdesti, dep habarlaidy "Ult aqparat".
Kezdesýge Nobel syilyǵynyń nominanttary Ońtústik Koreia qalamgeri Ko Yn, katarlyq Moza al-Malki, mońǵoliialyq Gombojavyn Mend Ooioo, Ázerbaijan halyq jazýshysy Anar Rasýloǵly Rzaev, Resei jazýshysy Anatolii Kim, Qazaqstannyń halyq jazýshysy, aqyn Oljas Súleimenov bastaǵan bir top qalamger qatysty.
Kezdesý barysynda Marat Tájin forým elimizdiń astanasynda QR Tuńǵysh Prezidenti - Elbasy Nursultan Nazarbaevtyń bastamasymen ótip jatqanyn aitty.
Memlekettik hatshy kezdesýge qatysýshylardyń nazaryn Memleket basshysy Qasym-Jomart Toqaevtyń forýmda sóilegen sózinde aitylǵan negizgi tezisterine jáne olardy iske asyrý qajettigine aýdardy.
Qonaqtar biregeili joǵary deńgeide jáne mazmundyq tolyqqandy uiymdastyrǵan sharaǵa Qazaqstan basshylyǵyna, qazaqstandyqtardyń jyly qabyldaýyna, sonymen qatar qyzyqty pikirsaiystarǵa rizashylyq bildirdi.
Kezdesýge qatysýshylar forým Aziia elderiniń ádebi qaýymdastyqtary arasyndaǵy ózara is-qimyldy nyǵaitatyndyǵyna senim bildirdi.
