Qazaqstan Syrtqy ister ministriniń orynbasary Marat Syzdyqov TMD Atqarýshy komiteti tóraǵasynyń Birinshi orynbasary Viktor Gýminskiidi qabyldady, dep habarlaidy QR SIM baspasóz qyzmeti.
Kezdesýdiń taqyryby 2021 jylǵy 10 qańtarǵa belgilengen QR Parlamenti Májilisiniń depýtattaryn sailaýǵa bailanysty Nur-Sultanda TMD Halyqaralyq baiqaýshylar missiiasy shtabynyń ashylýy boldy.
Suhbat barysynda M. Syzdyqov TMD Atqarýshy komitetiniń ókilin Májilis depýtattarynyń ashyq sailaýyn ótkizý Qazaqstannyń odan ári demokratiialyq damýy úshin mańyzdylyǵy týraly habardar etti. Biyl elimizde kóppartiialylyq pen saiasi básekelestikti damytýǵa, azamattyq belsendilikti arttyrýǵa baǵyttalǵan teńdessiz saiasi reformalar paketi iske asyryldy.
Óz kezeginde V. Gýminskii baqylaýshylardyń jumysy úshin jaqsy jaǵdai jasaǵany úshin rizashylyǵyn bildirdi. Suhbattasýshy TMD missiiasy óz fýnktsiialaryn obektivti jáne ashyq túrde oryndaýǵa daiyn ekenin aitty.
