Almaty oblysy ákiminiń orynbasary Baǵdat Manzorov óz erkimen jumysynan ketti. Óńir basshysy Amandyq Batalov orynbasaryn apparat jiynynda jyly pikirmen shyǵaryp saldy, dep habarlaidy "Ult aqparat" ákimdik baspasóz qyzmetiniń málimetine silteme jasap.
Oblys ákimi Amandyq Batalov Baǵdat Manzorovtyń jumys istegen ýaqytynda óz isiniń kásibi sheberi ekenin dáleldep, tájirbieli jetekshi ekenin kórsete bilgenin tilge tiek etti.
Sondai-aq, Arys qalasyn qalpyna keltirýge kúsh salyp, óńirdi gazdandyrýda, turǵyndardy jylýmen qamtamasyz etýge qosqan eleýli eńbegin eskerip, aldaǵy qyzmetine sáttilik tiledi. Óz kezeginde eks-orynbasar jeti aida biraz is atqarylǵanyn aityp, áriptesterine alǵys bildirdi. Alǵashqy issaparyn oblys basshysymen Arys qalasynan bastap, shahardy qalpyna keltirýde jaýapty júktemelerdi sátti oryndap shyqqanyn jetkizdi.
Eske salsaq, Baǵdat Manzorov 2019 jyldyń shilde aiynda Almaty oblysy ákiminiń orynbasary qyzmetine taǵaiyndalyp, turǵyn úi-kommýnaldyq sharýashylyǵyn, kásipkerlik jáne týrizm salalaryn qadaǵalady.
