Mańǵystaýda birneshe kúnnen beri oblystaǵy gaz quiý beketteriniń birinde suiyq otyn bolmasa, endi birinde uzyn-sonar kezek, dep habarlaidy "Ult aqparat".
Júrgizýshiler saǵattap kezek kútkenimen endi jete bergende otyn taýsylyp qalady. Demalys kúnderi halyqty sergeldeńge salǵan gaz máselesi búginde de kún tártibinen túsken joq.
Suiyq otynnyń tapshylyǵyna bailanysty Mańǵystaý oblysy ákimdiginiń baspasóz qyzmeti resmi aqparat taratty.
«Jalpy, Mańǵystaý oblysynyń suiytylǵan munai gazyna ai saiynǵy suranysy 19 myń tonna. Onyń 14 500 tonnasy «Qazaq gaz óńdeý» zaýytynan jiberiledi. Qalǵany Atyraý munai óńdeý zaýytynan jetkizilýi tiis edi. Atalǵan zaýyt naýryzdyń sońyna deiin jóndeý jumystaryna jabylyp, kólik otynynyń Mańǵystaýǵa tasymaldanýy ýaqytsha toqtatyldy. Osyǵan orai elimizdiń Energetika ministrligi «SNPS-Aqtóbemunaigaz» AQ-nan qosymsha 504 tonna suiytylǵan gaz bóldi. Bul suiytylǵan gaz aldaǵy 2-3 kúnde óńirge keledi»,- delingen baspasóz habarlamasynda.
Qajettilikti ótep, qalyptasqan máseleni sheshý úshin oblys ákimi shuǵyl sheshim qabyldady. «Qazaq gaz óńdeý» zaýytynan naýryz aiynyń sońǵy kúnderi beriletin gazdy beri jyljytyp, búgin-erteń gaz quiý beketterine jiberiledi. Sheneýnikter bul máseleni tolyq sheshýge múmkindik beretinine senim bildirdi.
