Mańǵystaý oblysyna Reseiden dáriniń 100-den asa túri jetkiziledi, dep habarlaidy "Ult aqparat".
Bul týraly qoǵamdyq kommýnikatsiia ortalyǵynda ótken brifingte Mańǵystaý oblysy boiynsha taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Rinat Kýbataev málimdedi.
Mańǵystaý oblysynyń ákimdigi kóterme saýda firmalarynyń ókilderimen, «Provizorlar men farmatsevter qaýymdastyǵy» QB, kásipkerlermen májilis ótkizip, onda óńirlik kásipkerler tarapynan «FAIZ-2016» JShS jáne «Pharma pliýs» JShS-ne demeýshilik kómek kórsetý jáne dári-dármek satyp alý barysynda qarjy bólý týraly sheshim qabyldady.
Atalǵan seriktestiktiń Resei Federatsiiasynan dári-dármek jetkizý boiynsha kelisimsharty bar. Mańǵystaý oblysynyń ákimdigi osy máseleni sheshý úshin hat daiyndady.
Tótenshe jaǵdaidyń aldyn alý maqsatynda, sonymen qatar halyqty dárimen qamtý úshin dári-dármekti bir márte kirgizý rásimdeledi.
Óńirge mynadai preparattar ákelinedi:
- Azitromitsin, levofloksatsin, tsefazolin, tseftriakson antibiotikteri;
- ingavirin, rimantadin, anaferon, tamifliý, arbidol virýsqa qarsy dárileri;
- AVQD: naiz,ibýprofen, novigan, nimesilýd, ibýfen, paratsetamol, aspirin, analgin, tsitramon, terafliý, tailol, fervek, maksigripin;
- kleksan, fraksiparin, ksarelto - az mólsherdegi antikoagýlianttar;
- deksametazon - VQD az mólsherdegi steroid.
Kóterme saýdamen ainalysatyn firmalarǵa túsken dári-dármek ár turǵynǵa jetýi úshin oblystyń aýdan-qalalaryndaǵy dárihanalarǵa teń mólsherde bólinýde. Búgingi tańda dári-dármekpen qamtý isi túzelip keledi.
KVI boiynsha ahýaldyń órshýine jáne karantin sharalarynyń engizilýine bailanysty departament qyzmetkerleri litsenziialyq baqylaý boiynsha tekseristi onlain júrgizýde. BAQ jáne áleýmettik jeliler arqyly osy saladaǵy qyzmet boiynsha túsindirý jumystary júrgizilip jatyr. .
Sonymen birge departament kún saiyn barlyq farmatsevtikalyq qyzmet obektileri men sýbektilerine telefon arqyly habarlasyp, qaladaǵy dárihanalar men qoimalarda dári-dármektiń bar-joǵyn anyqtap otyrady.
