Mańǵystaý-Almaty baǵyty boiynsha 25 jańa vagon iske qosylady, dep habarlaidy QazAqparat tilshisi.
«Jolaýshylar tasymaly» AQ resmi ókili Dias Ahmetsháriptiń aitýynsha, jańa vagondar turǵyndardyń ótinishimen jańartylmaq. Sebebi, osy baǵyttaǵy vagondar tozǵany týraly shaǵymdar kóp túsken.
«Eski vagondardy arnaiy komissiia qaraidy. Áli 5 jylǵa paidalanýǵa bolatyn, jolǵa jaraityndaryn shyǵaramyz. Al, tozyǵy jetkender ýtilizatsiiaǵa jiberiledi», - deidi Dias Ahmetshárip.
Eki poiyz jańa 25 platskart vagonynan quralǵan. Zaman talabyna sai konditsioner, sý súzgish, órtke qarsy júie, biotýalet qondyrǵylarymen jabdyqtalǵan. Ár vagonda 54 oryn bar. Bilet baǵasy burynǵydai saqtalady.
Eske salsaq, keshe elordadan Almatyǵa qosymsha bir rettik poiyzdar qatynaityndyǵy habarlaǵan bolatynbyz.
