Foto: ashyq derekkóz
Mańǵystaý oblysynda bolǵan iri jol-kólik apatynan 10 adam qaza taýyp, úsh adam aýyr jaraqat aldy, dep habarlaidy Ult.kz.
Oblystyq Densaýlyq saqtaý basqarmasynyń málimetinshe, 1964 jyly týǵan er adam men 1967 jylǵy áiel jansaqtaý bóliminde jatyr. Al 65 jastaǵy áiel travmatologiia bóliminde em qabyldaýda, jaǵdaiy turaqty aýyr.
Qaza tapqandardyń arasynda Qaraǵandy oblysynyń bes turǵyny jáne Astanadan bir áiel bar.
Qaza bolǵandardyń denelerin sáikestendirý jáne rásimderdi ótkizý úshin IIM Ulttyq ulanynyń arnaiy borty Mańǵystaýǵa attandy. Bort sondai-aq marqumdardyń denelerin týǵan aimaqtaryna jetkizý úshin paidalanylmaq.
Bul shara qaza tapqandardyń otbasylaryna jedel kómek kórsetý jáne jerleý jumystaryn der kezinde uiymdastyrý maqsatynda júzege asyrylyp otyr.
