Qaznette Mańǵystaýda itaiýdyń artynan qýyp bara jatqan júrgizýshiniń videosy jariialandy, - dep habarlaidy Tengrinews.kz tilshisi Lada.kz saityna silteme jasap.
Qýǵyn nátijesinde ań zardap shekti me, joq pa belgisiz. Biraq kadr syrtyndaǵy áńgimege qaraǵanda, júrgizýshiler jolda qandai ań kezdestirgenin túsingisi keledi.
Itaiýdyń syrtqy kelbeti borsyqqa, al qylyǵy kúzenge uqsas. Ol - sýsarlar tuqymdasyna jatatyn jyrtqysh sútqorekti ań.
Ótken ǵasyrdyń 80-jyldaryna deiin olar tek burynǵy KSRO aýmaǵynda Túrkimenstanda ómir súrdi dep eseptelgen. Qazaqstan aýmaǵynda ony alǵash ret zoolog A.N. Korinfskii ashqan. 1964 jyldan bastap Mańǵystaý oblysynyń aýmaǵynda turaqty túrde zertteýler júrgizgen ol itaiýdy 1983 jyly ǵana kezdestirgen.
Itaiý elimizdiń teriofaýnasyna kiredi. Óte sirek kezdesetin túr, sondyqtan Qazaqstannyń Qyzyl kitabyna engizilgen, mártebesi - I sanat. Negizgi jaýy - qasqyrlar men itter.
