قازنەتتە ماڭعىستاۋدا يتايۋدىڭ ارتىنان قۋىپ بارا جاتقان جٷرگٸزۋشٸنٸڭ ۆيدەوسى جارييالاندى, - دەپ حابارلايدى Tengrinews.kz تٸلشٸسٸ Lada.kz سايتىنا سٸلتەمە جاساپ.
قۋعىن نەتيجەسٸندە اڭ زارداپ شەكتٸ مە, جوق پا بەلگٸسٸز. بٸراق كادر سىرتىنداعى ەڭگٸمەگە قاراعاندا, جٷرگٸزۋشٸلەر جولدا قانداي اڭ كەزدەستٸرگەنٸن تٷسٸنگٸسٸ كەلەدٸ.
يتايۋدىڭ سىرتقى كەلبەتٸ بورسىققا, ال قىلىعى كٷزەنگە ۇقساس. ول - سۋسارلار تۇقىمداسىنا جاتاتىن جىرتقىش سٷتقورەكتٸ اڭ.
ٶتكەن عاسىردىڭ 80-جىلدارىنا دەيٸن ولار تەك بۇرىنعى كسرو اۋماعىندا تٷركٸمەنستاندا ٶمٸر سٷردٸ دەپ ەسەپتەلگەن. قازاقستان اۋماعىندا ونى العاش رەت زوولوگ ا.ن. كورينفسكيي اشقان. 1964 جىلدان باستاپ ماڭعىستاۋ وبلىسىنىڭ اۋماعىندا تۇراقتى تٷردە زەرتتەۋلەر جٷرگٸزگەن ول يتايۋدى 1983 جىلى عانا كەزدەستٸرگەن.
يتايۋ ەلٸمٸزدٸڭ تەريوفاۋناسىنا كٸرەدٸ. ٶتە سيرەك كەزدەسەتٸن تٷر, سوندىقتان قازاقستاننىڭ قىزىل كٸتابىنا ەنگٸزٸلگەن, مەرتەبەسٸ - I سانات. نەگٸزگٸ جاۋى - قاسقىرلار مەن يتتەر.
