Respýblikalyq Aqtaý-Beineý tasjolynyń 325-shaqyrymynda jol-kólik oqiǵasynan tórt adam qaza taýyp, taǵy ekeýi jaraqat aldy, - dep habarlaidy Massaget.kz portaly "Lada" basylymyna silteme jasap.
Qaiǵyly oqiǵa 28 shildede tús aýa bolǵan. Lada Priora kóliginiń júrgizýshisi róldi basqara almai, qarsy jolaqqa shyǵyp ketip, Mercedes Benz S-320 kóligimen betpe-bet soqtyǵysqan.
Jelide apat ornynan túsirilgen video jariialandy.
"Jol-kólik oqiǵasy saldarynan eki júrgizýshi, Lada Priora kóliginiń eki jolaýshysy alǵan jaraqattarynan qaza boldy. Sonymen qatar, eki jolaýshy zardap shekti, olar jaqyn mańdaǵy aýdandyq aýrýhanaǵa jatqyzyldy", - dedi oblystyq politsiia ókilderi.
Derek Qazaqstan Respýblikasy Qylmystyq kodeksiniń 345-baby 4-bóligi boiynsha Mańǵystaý aýdanynyń politsiia bóliminde sotaldy tergep-tekserýdiń biryńǵai tizilimine tirkelgen. Qazir tergeý amaldary júrgizilip jatyr.
