Mańǵystaý oblysynda vaktsina pasportyn satqan dárigerler anyqtaldy, dep habarlaidy QazAqparat.
Mańǵystaý oblystyq politsiia departamenti bastyǵynyń orynbasary Altynbek Qalievtiń aitýynsha, jalǵan vaktsina pasportyn daiyndady degen kúdikpen dárigerler men olardyń deldaldary bolǵan segiz adam anyqtaldy.
«Derekter bazasynda resmi tirkelgen árbir meditsinalyq qujat úshin olar 30-50 myń teńge kóleminde aqsha alǵandyǵy anyqtaldy. Anyqtalǵan adamdar 150-den astam azamatqa pasport berýi múmkindigi tekserilip, anyqtaldy. Bul tsifr áli de ósýi múmkin ekendigin joqqa shyǵarmaimyz. Atalǵan fakt boiynsha QR Qylmystyq kodeksiniń 385-babynyń 2-bóligi boiynsha sotqa deiingi tergeý bastaldy. Qazirgi ýaqytta tergeý amaldary jalǵasýda», - dedi Altynbek Qaliev.
Politsiia ókili qylmystyq oqińanyǵ shilde aiynan beri tergelip jatqany týraly aitty.
«Atalǵan fakt boiynsha shilde aiynan bastap bizde arnaiy jedel sharalar qabyldandy. Atalǵan faktiler Jańaózen, Aqtaý qalasy men Munaily aýdanynyń jeke jáne memlekettik aýrýhanalarynda anyqtaldy», - dep tolyqtyrdy A.Qaliev.
Onyń aitýynsha, vaktsinatsiia pasportyn satyp alǵysy keletin adamdar rásimge kelgen, biraq is júzinde ony almaǵan.
