ماڭعىستاۋ وبلىسىندا ۆاكتسينا پاسپورتىن ساتقان دەرٸگەرلەر انىقتالدى, دەپ حابارلايدى قازاقپارات.
ماڭعىستاۋ وبلىستىق پوليتسييا دەپارتامەنتٸ باستىعىنىڭ ورىنباسارى التىنبەك قاليەۆتٸڭ ايتۋىنشا, جالعان ۆاكتسينا پاسپورتىن دايىندادى دەگەن كٷدٸكپەن دەرٸگەرلەر مەن ولاردىڭ دەلدالدارى بولعان سەگٸز ادام انىقتالدى.
«دەرەكتەر بازاسىندا رەسمي تٸركەلگەن ەربٸر مەديتسينالىق قۇجات ٷشٸن ولار 30-50 مىڭ تەڭگە كٶلەمٸندە اقشا العاندىعى انىقتالدى. انىقتالعان ادامدار 150-دەن استام ازاماتقا پاسپورت بەرۋٸ مٷمكٸندٸگٸ تەكسەرٸلٸپ, انىقتالدى. بۇل تسيفر ەلٸ دە ٶسۋٸ مٷمكٸن ەكەندٸگٸن جوققا شىعارمايمىز. اتالعان فاكت بويىنشا قر قىلمىستىق كودەكسٸنٸڭ 385-بابىنىڭ 2-بٶلٸگٸ بويىنشا سوتقا دەيٸنگٸ تەرگەۋ باستالدى. قازٸرگٸ ۋاقىتتا تەرگەۋ امالدارى جالعاسۋدا», - دەدٸ التىنبەك قاليەۆ.
پوليتسييا ٶكٸلٸ قىلمىستىق وقيڭانىع شٸلدە ايىنان بەرٸ تەرگەلٸپ جاتقانى تۋرالى ايتتى.
«اتالعان فاكت بويىنشا شٸلدە ايىنان باستاپ بٸزدە ارنايى جەدەل شارالار قابىلداندى. اتالعان فاكتٸلەر جاڭاٶزەن, اقتاۋ قالاسى مەن مۇنايلى اۋدانىنىڭ جەكە جەنە مەملەكەتتٸك اۋرۋحانالارىندا انىقتالدى», - دەپ تولىقتىردى ا.قاليەۆ.
ونىڭ ايتۋىنشا, ۆاكتسيناتسييا پاسپورتىن ساتىپ العىسى كەلەتٸن ادامدار رەسٸمگە كەلگەن, بٸراق ٸس جٷزٸندە ونى الماعان.
