Aqtaý qalasynyń qylmystyq ister jónindegi mamandandyrylǵan aýdanaralyq soty Mańǵystaý aimaǵynda áreket etken qylmystyń toptyń 8 múshesin qamaýǵa alýdy sanktsiialady, dep habarlaidy QazAqparat tilshisi.
«Aqtaý qalasynyń qylmystyq ister jónindegi mamandandyrylǵan aýdanaralyq soty qylmystyq top músheleri A. Aitqaliev, E. Aryqbai, J. Jańbyrbaev, R. Jeksenbaev, E. Zorbai, J. Bazarbaev, D. Bimyrza jáne S. Kenǵanovqa qatysty 2 ai merzimge qamaýǵa alý túrindegi bultartpaý sharasyn taǵaiyndady», - delingen Óńirlik kommýnikatsiialar qyzmeti taratqan málimette.
Eske salsaq, 29 shilde kúni Ulttyq qaýipsizdik komiteti Ishki ister ministrligimen birlesip, Mańǵystaý oblysynda áreket etken qylmystyq top músheleriniń zańǵa qaishy is-áreketiniń jolyn kesý boiynsha aýqymdy arnaiy operatsiia júrgizgen bolatyn.
Nátijesinde Jańaózen qalasy men Munaily aýdanynda bir mezgilde ártúrli tórt qylmystyq toptan 17 adam ustaldy.
Olardan 3 tapansha, dybysty báseńdetetin 1 qural, 8 sholaq ańshy qarýy, 1 «Saiga» karabini, usaq kalibrli 1 vintovka, 5 travmatikalyq tapansha, 218 dana oq-dári, túrli sýyq qarýlar (pyshaqtar, kastetter jáne t.b.) tabylyp, aiǵaq zat retinde tárkilendi.
