Mańǵystaý oblysynyń Munaily aýdanynda tóbeleskender balta qoldanyp, saldarynan bir adam qaza boldy. Politsiia departamenti qaiǵyly oqiǵanyń mán-jaiyn aitty, dep habarlaidy QazAqparat lada.kz saityna silteme jasap.
Kisi óltirý oqiǵasy Munaily aýdany Basqudyq aýylynda bolǵan.
«6 qarashada saǵat 20:25-te Munaily aýdandyq politsiia bóliminiń 102 kezekshi pýltine Basqudyq aýylynda Bereket kóshesinde er adamnyń máiiti tabylǵany týraly qońyraý kelip tústi. Jedel tergeý toby oqiǵa ornyna baryp, ol jerden kisi óltirgen degen kúdikpen eki adamdy ustady. Atalǵan fakti Qazaqstan Respýblikasy Qylmystyq kodeksiniń 99-babynyń 2-tarmaǵy (adam óltirý) boiynsha Munaily aýdandyq politsiia bóliminiń sotqa deiingi tergep-tekserýlerdiń biryńǵai tiziliminde tirkelgen. Qazirgi ýaqytta kúdiktiler ýaqytsha ustaý izoliatoryna qamaldy, atalǵan fakti boiynsha tergeý amaldary júrgizilýde», - dep habarlady Mańǵystaý oblystyq politsiia departamenti.
