ماڭعىستاۋ وبلىسىنىڭ مۇنايلى اۋدانىندا تٶبەلەسكەندەر بالتا قولدانىپ, سالدارىنان بٸر ادام قازا بولدى. پوليتسييا دەپارتامەنتٸ قايعىلى وقيعانىڭ مەن-جايىن ايتتى, دەپ حابارلايدى قازاقپارات lada.kz سايتىنا سٸلتەمە جاساپ.
كٸسٸ ٶلتٸرۋ وقيعاسى مۇنايلى اۋدانى باسقۇدىق اۋىلىندا بولعان.
«6 قاراشادا ساعات 20:25-تە مۇنايلى اۋداندىق پوليتسييا بٶلٸمٸنٸڭ 102 كەزەكشٸ پۋلتٸنە باسقۇدىق اۋىلىندا بەرەكەت كٶشەسٸندە ەر ادامنىڭ مەيٸتٸ تابىلعانى تۋرالى قوڭىراۋ كەلٸپ تٷستٸ. جەدەل تەرگەۋ توبى وقيعا ورنىنا بارىپ, ول جەردەن كٸسٸ ٶلتٸرگەن دەگەن كٷدٸكپەن ەكٸ ادامدى ۇستادى. اتالعان فاكتٸ قازاقستان رەسپۋبليكاسى قىلمىستىق كودەكسٸنٸڭ 99-بابىنىڭ 2-تارماعى (ادام ٶلتٸرۋ) بويىنشا مۇنايلى اۋداندىق پوليتسييا بٶلٸمٸنٸڭ سوتقا دەيٸنگٸ تەرگەپ-تەكسەرۋلەردٸڭ بٸرىڭعاي تٸزٸلٸمٸندە تٸركەلگەن. قازٸرگٸ ۋاقىتتا كٷدٸكتٸلەر ۋاقىتشا ۇستاۋ يزولياتورىنا قامالدى, اتالعان فاكتٸ بويىنشا تەرگەۋ امالدارى جٷرگٸزٸلۋدە», - دەپ حابارلادى ماڭعىستاۋ وبلىستىق پوليتسييا دەپارتامەنتٸ.
