Mańǵystaý oblysyndaǵy janarmai quiý stantsiialarynyń ieleri TMD naryǵynda suiytylǵan munai gazy baǵasyn zańsyz ósirgen. Bul týraly Mańǵystaý oblysynyń prokýratýrasy málimetinde aityldy, - dep habarlaidy Tengrinews.kz.
Oblys prokýratýrasy suiytylǵan munai gaz naryǵyndaǵy zańdylyqtyq jai-kúiine tekserý júrgizip, nátijesinde suiytylǵan munai gazy baǵasyn bir mezgilde kóterý túrinde básekelestikke qarsy kelisim derekterin anyqtaǵan.
"Prokýrorlyq den qoiý nátijesi boiynsha 54 avtogazquiý stantsiialarynyń iesine, sondai-aq gaz óńdeý zaýytyna aiyppul salynyp, 60 million teńgeden asa somaǵa monopoliialyq tabys tárkilendi.
Budan basqa, arnaiy baǵdarlamalardyń kómegimen elektron saýda alańdarynyń qorytyndylaryn burmalaý úshin suiytylǵan munai gazy naryǵyndaǵy sýbektilerdiń sózbailasýy anyqtaldy", - delingen habarlamada.
Vedomstvo málimetinshe, búginde kináli tulǵalarǵa qatysty qylmystyq is raqymshylyq aktisi boiynsha toqtatylǵan.
