Mańǵystaý oblysynda sońǵy táýlik boiynsha koronavirýs infektsiiasyn juqtyrǵandardyń sany kóbeidi, dep habarlaidy "Ult aqparat".
Bul týraly Qoǵamdyq kommýnikatsiia ortalyǵynda ótken brifingte Mańǵystaý oblysy sanitariialyq-epidemiologiialyq departamentiniń basshysy Ǵaziz Nadýev málim etti.
Onyń aitýynsha, 17 naýryz kúni óńirdegi koronavirýs infektsiiasy boiynsha reprodýktivti kórsetkish 1,05 qurady. Osyǵan deiin bul kórsetkish 0.6, 0.7 bolǵan.
«Ókinishke orai, osy kúni arnaiy kórsetkishimiz 1-den asyp tur. Bul, negizinen, turǵyndarymyzdyń buryn-sondy indetti juqtyrǵandarmen tyǵyz qarym-qatynasta bolýynan týyndap otyr. Mańǵystaý oblysy «jasyl» aimaqta bolǵanymen, koronavirýs infektsiiasy áli ketken joq. Qaýip bar. Sol sebepti kúndelikti sanitarlyq talaptardy ustanyp, áleýmettik araqashyqtyqty saqtaý qajet. Asa mańyzdy bolmasa qoǵamdyq oryndarǵa barmaǵan abzal», - dedi Ǵaziz Nadýev.
