ماڭعىستاۋ وبلىسىندا سوڭعى تەۋلٸك بويىنشا كوروناۆيرۋس ينفەكتسيياسىن جۇقتىرعانداردىڭ سانى كٶبەيدٸ, دەپ حابارلايدى "ۇلت اقپارات".
بۇل تۋرالى قوعامدىق كوممۋنيكاتسييا ورتالىعىندا ٶتكەن بريفينگتە ماڭعىستاۋ وبلىسى سانيتارييالىق-ەپيدەميولوگييالىق دەپارتامەنتٸنٸڭ باسشىسى عازيز نادۋەۆ مەلٸم ەتتٸ.
ونىڭ ايتۋىنشا, 17 ناۋرىز كٷنٸ ٶڭٸردەگٸ كوروناۆيرۋس ينفەكتسيياسى بويىنشا رەپرودۋكتيۆتٸ كٶرسەتكٸش 1,05 قۇرادى. وسىعان دەيٸن بۇل كٶرسەتكٸش 0.6, 0.7 بولعان.
«ٶكٸنٸشكە وراي, وسى كٷنٸ ارنايى كٶرسەتكٸشٸمٸز 1-دەن اسىپ تۇر. بۇل, نەگٸزٸنەن, تۇرعىندارىمىزدىڭ بۇرىن-سوندى ٸندەتتٸ جۇقتىرعاندارمەن تىعىز قارىم-قاتىناستا بولۋىنان تۋىنداپ وتىر. ماڭعىستاۋ وبلىسى «جاسىل» ايماقتا بولعانىمەن, كوروناۆيرۋس ينفەكتسيياسى ەلٸ كەتكەن جوق. قاۋٸپ بار. سول سەبەپتٸ كٷندەلٸكتٸ سانيتارلىق تالاپتاردى ۇستانىپ, ەلەۋمەتتٸك اراقاشىقتىقتى ساقتاۋ قاجەت. اسا ماڭىزدى بولماسا قوعامدىق ورىندارعا بارماعان ابزال», - دەدٸ عازيز نادۋەۆ.
