Mańǵystaýda aýyl turǵyny shpritster, dári-dármek pen basqa da meditsinalyq zattar tógilgen qoqys úiindisin tapqan, - dep habarlaidy Tengrinews.kz saity.
Batyr aýylynyń mańynda jergilikti turǵyn ondaǵan paket dári-dármek, paidalanylmaǵan shpritster men ampýlalar taýyp alǵan. Er adam jaýapty uiymdardan qoqys poligonyn joiý sharalaryn qoldanýdy suraidy, óitkeni ol adamdar men jaiylyp júrgen malǵa qaýip tóndirýi múmkin.
"Bálkim, bir dárihana qoqysty osynda tastaǵan shyǵar. Múmkin, bul dárilerdiń barlyǵynyń jaramdylyq merzimi ótip ketken shyǵar", – deidi er adam jelide jariialanǵan videoda.
Aýyl turǵyndarynyń aitýynsha, bul jerde malshylar mal baǵýǵa qorqady.
Mańǵystaý oblysynyń densaýlyq saqtaý basqarmasy videoǵa qatysty pikir bildirgen joq.
