Mańǵystaý óńirinde Memleket basshysynyń bes áleýmettik bastamasy qarqyndy júzege asyrylý ústinde. Bul týraly Ortalyq kommýnikatsiialar qyzmetinde ótken brifingte Mańǵystaý oblysynyń ákimi Eraly Toǵjanov málimdedi.
Onyń aitýynsha, Prezidenttiń bes áleýmettik bastamasy jobasyn júzege asyrý maqsatynda, Mańǵystaýda naqty mindetter aiqyndalǵan. Birinshi bastamaǵa sáikes, ár otbasyna baspana alýdyń jańa múmkindikterin berý qarastyrylǵan. Memlekettik baǵdarlamalar men jeke investitsiialardy tartý nátijesinde oblysta turǵyn úi salý jáne paidalanýǵa berý qarqyndy júrýde.
Ótken jyldyń ózinde 18% ósimmen 833 myń sharshy metr turǵyn úi paidalanýǵa berilip, 7 myń otbasy baspanaly bolǵan. Al biylǵy jyldyń josparyna sáikes, 916 myń sharshy metr turǵyn úi paidalanýǵa beriledi.
Esepke sáikes, turǵyn-úidi paidalanýǵa berýdiń jyl saiyn 10% ósimin qamtamasyz ete otyryp 2025 jylǵa deiin oblystyń árbir turǵyny 30 sharshy metr baspanamen qamtylatyn bolady.
Ekinshi bastama - jalaqysy tómen jumysshylardyń eńbek aqysyn kóbeitý úshin olardyń salyqtyq júktemesin azaitý.Salystyrmaly túrde tómen jalaqy (25 ese ailyq eseptik kórsetkishten tómen - 60 125 teńge) alatyn qazaqstandyqtardy qoldaý úshin 2019 jyldyń 1 qańtarynan bastap olardyń salyq júktemesi 10 esege azaityp, 1 paiyz ǵana bolady.
«Bizdiń oblys boiynsha, 250 myń jaldamaly qyzmetkerlerdiń ishinde 22 myńnan astam adam osyndai tómen jalaqy alady.Salyqtyq júktemesiniń azaiýy arqyly 22 myń qyzmetkerdiń jeke kirisi jylyna orta eseppen barlyǵy 800 mln.teńgege kóbeimek», - dedi Eraly Toǵjanov.
Úshinshi bastama: joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartýdy kózdeidi. Ótken jyly oblysta 215 grant, onyń ishinde 50 grant óńir ekonomikasyna qajetti mamandardy daiyndaýǵa bólindi. Tsifrovizatsiia engizilýine bailanysty, Elbasy informatsiialyq tehnologiiany meńgergen mamandardy kóbeitý qajettigin atap kórsetti. Osyǵan bailanysty biyl taǵy da qosymsha 50 grant jáne tehnikalyq mamandyqtar boiynsha magistratýrada oqytýǵa 20 grant bólinedi.
Tórtinshi bastama bolsa shaǵyn nesie berýdi kóbeitýge baǵyttalyp otyr. Elbasy bastamasyn iske asyrý maqsatynda Mańǵystaý oblysynda kásipkerlerge 1%-dyq nesie usynatyn «Nur kapital» baǵdarlamasy iske qosyldy. Búgingi tańda 200-ge jýyq biznes ótinimder qabyldandy, onyń ishinde mal sharýashylyǵy - 35%, óńdeý jáne jeńil ónerkásip - 22%, týrizm - 16%, transport - 8%, egin sharýashylyǵy - 5%, densaýlyq - 5%, bilim - 3%, qyzmet - 3%, saýda - 1%, investitsiia - 0,3%, óner, oiyn-saýyq - 0,1% quraidy. Sonymen qatar, «Nátijeli jumyspen qamtý jáne jappai kásipkerlikti damytý» baǵdarlamasy boiynsha biyl 1,8 mlrd. teńge shaǵyn nesie bólý josparlandy (2016 jylmen salystyrǵanda 2,5 esege kóp, 2016 jyl - 724 mln. teńge).
Besinshi bastama - eldi gazben qamtamasyz etýdi jalǵastyrý. Oblysta barlyq eldi mekender gazben qamtyldy (99,8 %). Kún tártibinde tek 8 eldi mekendi (Qaraqiia 4 aýyl, 42 úi 234 adam, Mańǵystaý 4 aýyl, 91 úi 607 adam) gazdandyrý máselesi tur.
Olardyń magistraldy jelilerden qashyq ornalasýyna jáne ekonomikalyq tiimsizdigine bailanysty, bolashaqta kezeń-kezeńmen «QazTransGazAimaq» kompaniiasynyń investitsiialyq baǵdarlamalary aiasynda sheshý josparda.Qazirgi tańda jańadan turǵyn úiler salynatyn jer telimderin gazben qamtý jumystary júrgizilýde. Bul jumystarǵa biýdjet qarjysynan bólek «QazTransGazAimaq» AQ-da qarjysy tartylýda. Kompaniia osy jyly Beineý, Túpqaraǵan, Munaily aýdandarynda gazdandyrý boiynsha quny 1,2 mlrd. teńge bolatyn 9 jobany iske asyratyn bolady.Jalpy óńirimizde eldi mekenderdi gazdandyrý boiynsha ózekti másele joq, dep qorytyndylady óz sózin Mańǵystaý oblysynyń ákimi Eraly Toǵjanov.
Kámshat Izbasarova
