Foto:Depositphotos
Mańǵystaý oblysynda týǵan qyzyn zorlady degen er adam aqtaldy. Apelliatsiialyq sot ta birinshi istantsiianyń sheshimin ózgerissiz qaldyrdy, dep habarlaidy Sputnik Qazaqstan oblystyq sottyń baspasóz qyzmetine silteme jasap.
Tergeý materialdaryna sáikes, er adam 2016 jyldan bastap 10 jastaǵy qyzyna azǵyndyq jasap, birneshe ret zorlaǵan. Zańsyz áreketter 2021 jylǵa deiin jalǵasqan. Qylmystyq kodekstiń eki baby – 124-2 ("Jas balalardy azǵyndyq jolǵa túsirý, ata-anasy jasaǵan áreket") jáne 120-4 ("Zorlaý, birneshe ret jasalǵan áreket") boiynsha is qozǵalǵan.
Sotta prokýror men balanyń zańdy ókili aiyp taǵylǵan er adamdy 25 jylǵa bas bostandyǵynan aiyrýdy surady. Oǵan qosa, odan 30 million teńge kóleminde moraldyq shyǵyn óndirip berýdi talap etti. Al sottalýshy ózin aqtaýdy ótindi. Sebebi kinási dáleldengen joq. Sýdia er adamdy aqtady.
Sotta kishkentai qyzdyń zańdy ókili, kámelet jasqa tolmaǵan kýáger men balanyń ózi aitqan sózder dáleldengen joq. Sot-meditsinalyq saraptamanyń nátijesi de eshteńe kórsetpegen.
Resmi málimetke sáikes, apelliatsiialyq sot ta birinshi instantsiianyń sheshimin ózgerissiz qaldyrdy. Aqtalǵan er adam qylmystyq jaýapkershilikke zańsyz tartylǵany úshin moraldyq shyǵyn óndire alady.
