Mańǵystaý oblysynda politseiler kóliktiń júksalǵyshynan 205 keli bekire balyǵyn tárkiledi, dep habarlaidy ult.kz.
Polisia.kz málimetinshe, 28 tamyzda Aqtaý qalasynda kriminaldyq politsiia qyzmetkerleri jedel-izdestirý is-sharalary barysynda Toyota Camry avtokóligin toqtatqan.
Kólikti tintý kezinde júksalǵyshtan segiz paketke salynǵan 50 dana bekire balyǵy tabyldy. Jalpy salmaǵy – 205 keli.
Avtokóliktegi eki er adam ustalyp, politsiia bólimine jetkizildi.
Atalǵan derek boiynsha QR Qylmystyq kodeksiniń 339-baby 1-bóligimen qylmystyq is qozǵaldy. Tárkilengen balyq jaýapty saqtaýǵa berildi.
Qazir tergeý amaldary jalǵasyp jatyr.
