Mańǵystaý oblysynda taǵy eki adam koronavirýs infektsiiasyn juqtyrǵan, - dep habarlaidy oblystyq qoǵamdyq kommýnikatsiia ortalyǵy.
Mańǵystaý aýdany Shetpe aýylyndaǵy aýdandyq aýrýhanada koronavirýs infektsiiasyn juqtyrǵan taǵy eki adam tirkeldi. Eki naýqas ta - 40 jastaǵy áiel.
Olar Jańaózen qalasynda 8 sáýir kúni virýs anyqtalǵan 1974 jylǵy áielmen bailanysta bolǵan. Osyǵan orai karantinge alynyp, qany men aýyz qýysynan alynǵan synamaǵa zerthanalyq saraptama jasalynǵan bolatyn.
Diagnostikalyq zerdeleý nátijesinde ekeýinen de COVID-19 anyqtaldy. Bekitilgen protokol boiynsha em sharalary jasalyp jatyr.
Naýqastarmen bailanysta bolǵan azamattar anyqtalyp, dárigerlerdiń baqylaýyna alyndy. Indet aýmaǵy zalalsyzdandyrylyp jatyr.
Aita keteiik, búgingi aqparat boiynsha Qazaqstanda 802 adam koronavirýs juqtyrǵan. Onyń ishinde Mańǵystaýda 9 naýqas bar.
Aqtaýda - 5
Jańaózende - 2
Mańǵystaý aýdanynda - 2.
